Happy mother's day !!!!!!!!!!!!!!

(26.1.2013) က အမေများနေ့ ဖြစ်တယ် ....... ကျွန်မ မေမေ ရဲ့ မွေးနေ့နဲ့ အန်တီလေး ရဲ့ မွေးနေ့ နဲ့ က အတူတူဖြစ်နေ တဲ့အတွက် အရမ်းပျော်ပါတယ် ၊ ချစ်ဖို့ ကောင်းတဲ့သမီးတွေနဲ့ တူမချောက တော့အနားမှာ မနေပေးနိုင်ခဲ့ပါဘူး........ကျွန်မ မေမေမွေးနေ့ ရောက်တိုင်း ကျွန်မမေမေနဲ့ အတူတူ ကုသိုလ်ကောင်းမှု လုပ်နေကျပါ ........ဒီနေ့တော့ သူမတစ်ယောက်တည်း သူမ မွေးနေ့ ကို ဖြတ်သန်းရတော့မယ် ♥♥♥ သိပ်ချစ်ရတဲ့ သူမရဲ့ တစ်ဦးတည်းသော သမီးလေး ကို သူမ လွမ်းနေ မယ်ဆိုတာကို ကျွန်မ သေချာသိတာပေါ့ ၊ " မီးမီး လည်း အတိုင်းအဆမရှိ လွမ်းနေပါတယ် မေမေ" ဆိုတဲ့ စကားလေးနဲ့ပဲ ကျွန်မ မေမေရဲ့ အလွမ်းတွေ ကို ဖြေသိမ့်ပေးနိုင်ခဲ့ပါတယ်.......ကျွန်မ ချစ်ရတဲ့ မေမေ ကတော့ ပြောရှာ ပါတယ် ...သူမ အတွက်ကတော့သိပ်ချစ်ရတဲ့ မေမေ့သမီးအသံကိုကြားရယုံ နဲ့ တင် ကျေနပ်ပါပြီတဲ့ ...........(သိပ်လွမ်းတာပဲ မေမေရယ်......) ဟိုးအရင်တုန်းကပေါ့ ၊ ကျွန်မရဲ့ စဉ်းစားဆင်ခြင်နိုင်တဲ့ ဦးနှောက် မရှိသေး တဲ့ အချိန်တုန်းကပေါ့...ကျွန်မ မေမေကို"အတ္တအကြီးဆုံး မိန်းမတစ်ယောက်" အဖြစ် ကျွန်မ အသိစိတ်ထဲမှာ သတ်မှတ်ထားခဲ့ပါတယ်၊" မေမေဟာ အရမ်း အတ္တကြီးတာပဲ "ဆိုတဲ့ စကားလေး ကို ကျွန်မ မေမေ အပေါ်မှာ မကျေနပ်တဲ့ စိတ်ဖြစ်လာတိုင်း ကျွန်မပြောနေကျပါ....အဲဒါကလည်း မေမေ ကျွန်မကို အပြစ်ပေးနေကျအချိန်ရောက်တိုင်း" သေတာတောင် " ညည်းကိုယ်ညည်း မပိုင်စေရဘူး ဆိုတဲ့" မေမေ့ရဲ့ စကားတစ်ခွန်းကြောင့် ဆိုရင် မမှားပါဘူး သူမ သိပ်ချစ်ရတဲ့ သမီးကို စိတ်မချဘူး၊ စိုးရိမ်တယ်ဆိုတဲ့ စကားတွေနဲ့ပဲ ကျွန်မ ရဲ့ စိတ်တွေ အကုန်လုံး ကို ထိန်းချုပ်ထားခဲ့သူပေါ့ ..... သူမ ရဲ့ အချစ်တွေကို ကျွန်မ နားလည်မပေးနိုင်ခဲ့ပါဘူး ........ လူက စက်ရုပ်နဲ့ မခြား control လုပ်ခံနေရတယ်လို့ ကျွန်မ ကိုယ့်ကိုကိုယ် ယူဆ ခဲ့မိပါတယ်....အဲဒိ အတွက် ကျွန်မ မေမေ့ရဲ့ ရင်ခွင်ထဲကနေ ထွက်လာ နိုင်အောင် ကျွန်မ ကြိုးစားခဲ့မိပါတယ်......အပြင်လောက အကြောင်းကို ဘာမှ သေချာ မသိသေးခင် အချိန်ကပေါ့ .......... အခုတော့ အရာအားလုံးကို နားလည် သွားပါပြီ မေမေ .......... *မိခင်ရဲ့ ချစ်ခြင်းလောက် ဘယ်သူမှ အစစ်အမှန် မရှိဘူးဆိုတာကိုပေါ့ ....* မေမေ့ အပေါ်မှာ နားလည်မှုတွေလွဲနေခဲ့တဲ့ အတွက် တောင်းပန်ပါတယ်ဆို တဲ့ စကားတစ်ခွန်းနဲ့ အတူ မေမေ့ ကို အများကြီး ချစ်ပါတယ်လို့ ပြောပြ ခဲ့ပါတယ် ............ (Saine Mya Moe)

အငြင်းစကားစုတစ်ခုရဲ့နောက်ဆက်တွဲ

ငါ မငိုချင်ဘူးဒါပေမယ့် ငိုတတ်အောင် မင်းသင်ပေးခဲ့တယ်။ ငါ ရယ်ချင်တယ် ဒါပေမယ့် အရယ်တိတ်အောင် မင်းဖျောက်ပစ်ခဲ့တယ်။ ငါ မမုန်းချင်ဘူး ဒါပေမယ့် နာကျည်းအောင် မင်းလုပ်ထားခဲ့တယ်။ ငါ မချစ်ချင်တော့ဘူး ဒါပေမယ့် ချစ်မိအောင် မင်းဖမ်းစားခဲ့တယ်။ ဒါပေမယ့် ဒါပေမယ့် ဒါပေမယ့်တွေနောက်ကွယ်မှာ ဘာတွေရှိဦးမှာလည်း။ မင်းကိုမုန်းတဲ့အမုန်းတွေလည်း ဒါပေမယ့်ဆိုတာကြီးနောက်မှာ ပျောက်ဆုံးခဲ့ရပြီ။

ချစ်သူအပြုံး

ချစ်သူ့အပြုံးထဲမှာ
ဖြူစင်တဲ့နှလုံးသားနဲ့
ရိုးသားတဲ့ ချစ်ခြင်းတရားတွရှိတယ်။
ချစ်သူ့အပြုံးထဲမှာ
ချိုသာတဲ့စကားလုံးတွေနဲ့
နွေးထွေးတဲ့ ကြင်နာခြင်းတွေရှိတယ်။
ချစ်သူ့အပြုံးထဲမှာ
ဂရုစိုက်မှုအပြည့်နဲ့
နူးညံ့တဲ့အထိအတွေ့တွေရှိတယ်။
ချစ်သူ့အပြုံးထဲမှာ
တစ်သက်စာ မျှော်လင့်ခြင်းနဲ့
နောက်ပြန်မဆုတ်တဲ့ အချိန်တွေ ရှိတယ်။
ချစ်သူ့အပြုံးထဲမှာ သံဃောဇဉ်အနှောင်အဖွဲ့နဲ့
တွယ်ငြိနေတဲ့ ငါ့နှလုံးသားရှိတယ်။

လှည့်စားသူ

ချစ်တယ်ဆိုတဲ့
စကားလေးနှစ်ခွန်းကိုပြောဖို့
နင့်နှုတ်ခမ်းက ဆွံ့အမယ်မှန်း
ငါမသိခဲ့ဘူး..
ကောင်မလေးရယ်..
ကမ္ဘာဦးအစက
ဘာမှနားမလည်တဲ့….
အာဒံရဲ့ချစ်သူ
ဧ၀ကတောင် အာဒံကိုချစ်တယ်လို့
နှုတ်ကမပြောခဲ့ပေမယ့်…
အမူအရာတွေနဲ့ပြခဲ့သေးတယ်လေ..
နင်ကတော့…
င့ါကို….
ချစ်တယ်ဆိုတဲ့အမူအရာလေးတောင်
မပြခဲ့ပါလား…
ကောင်မလေးရယ်
မချစ်နိုင်ရင်နေပါ..
မလှည့်စားပါနဲ့….
နင့်ရဲ့အယောင်ဆောင်ကြင်နာမှုတွေက
ငါ့အတွက်တော့…
နာကြင်မှုတွေပဲဖြစ်စေလို့ပါ…..

တစ်ဖက်သက်

တစ်ဖက်သက်
င့ါရဲ့ရင်ခုန်သံတွေကို
နင်ကြားမှာပါ...
တစ်ဖက်သတ်
င့ါရဲ့ချစ်ခြင်းတွေကို
နင်သိမှာပါ.....
တစ်ဖက်သတ်
နင့်အတွက်င့ါရဲ့
မျှော်လင့်ချင်းတွေကို
နင်မြင်နိုင်မှာပါ..
တစ်ဖက်သက်ရင်ခုန်ခြင်းတွေကို
တစ်ဖက်သက်ရင်ခုန်ဖူးသူတွေမှ
သိကြတာပါ....
နင့်အတွက်
င့ါရဲ့ရင်ခုန်ခြင်းတွေကတော့
တစ်ဘ၀စာအတွက်ဆိုတာ
ချစ်သောနင်သိပါစေ........

နှုတ်ဆက်ချိန်

နောက်ဆုံးသောနှုတ်ဆက်ချိန်မှာ
ငါတို့နှစ်ယောက်ရဲ့
မျက်ဝန်းတွေဆီမှာ..
မျက်ရည်မိုးတွေရွာသွန်းလို့ပေ့ါ...
ငါအရမ်းချစ်ရဲ့သားနဲ့
စွန့်လွှတ်လိုက်ရမှာကို
ဝမ်းနည်းဆုံးအရာပါ..
ငါတို့နှစ်ယောက်က
မချစ်လို့လမ်းခွဲခဲ့တာမှ
မဟုတ်ပဲဟာ...
ချစ်ရဲ့သားနဲ့ လမ်းခွဲခဲ့ကြတာပါ...
အနာပြီးအနာ
ဒဏ်ရာပြီးဒဏ်ရာဆိုတော့
တစ်ခါတစ်ခါ
ကျောခိုင်းထားချင်ပြီ။
အခုတော့လည်း..
ပုံမှန်အချိန်ရောက်ရင်..
ဖုန်းနားမှာပဲထိုင်နေမိတယ်...
ဖုန်းလေးကတော့
အထီးကျန်လို့နေခဲ့ပြီပေ့ါ...

မိုင်းကိုင်မြို့လေးရဲ့ ကြေကွဲဖွယ် မှတ်တမ်း တစ်ပုဒ် (သို့မဟုတ်) ခွန်ဆမ်လောနဲ့ နန်းဦးပြင်*

မိုင်းကိုင် - တောင်ကြီးကနေမိုင်းကိုင်ကို သွားမယ်ဆိုရင်....
မိုင်တရာကျော်ဝေးပါတယ်...။ ရှမ်းတောင် ကနေပြီး.. ရှမ်းအရှေ့ဘက်ကို သွားတဲ့
လမ်းအတိုင်းသွားမယ်ဆိုရင်တော့....တောင်ကြီး>ဟိုပုံး>မိုင်းပွန်>လွယ်လွိုင်
အထိသွားပြီး.. လွယ်လွိုင်မြို့မှ.. လမ်းခွဲထွက်ကာ..ပင်လုံ > လဲချား>
မိုင်းကိုင်..မြို့ကိုရောက်ပါတယ်.. ။ နန်းဦးပြင်နေတဲ့မြို့ပေါ့...။

ခွန်ဆမ်လောကတော့ ကုန်သည်တဦးဖြစ်ပြီး... ကျိုင်းတောင်း မြို့မှာနေတာဖြစ်ပါတယ်...

ကျိုင်းတောင်းမှ.. မိုင်းကိုင်ကိုလာမယ်ဆိုရင်...
ရှမ်းအရှေ့ဘက်ကနေ.. ရှမ်းတောင်ကို လာတဲ့ လမ်းအတိုင်း.. ကျိုင်းတောင်း> နမ့်စန်>
လွိုင်လင်> ပင်လုံ >လဲချား> မိုင်းကိုင် မြို့ကိုရောက်ပါတယ်..
ကြားထဲမှာ..မိုင် ၁၀၀ ကျော်ဝေးပါတယ်..။တရွာသူ နန်းဦးပြင်ကို ချစ်ကြိုက်မိတဲ့
ခွန်ဆမ်လောဟာ
မိုင်တစ်ရာကျော်ခရီးကို မြင်း စီးပြီး လူပျိုလှည့်ခဲ့ပါသတဲ့။
သူတို့ ချစ်သူ နှစ်ဦးဟာ
နမ့်တိန်းချောင်းကလေးအနီးမှာ...ဆုံတွေ့ပြီး ချစ်စကားပြောလေ့ရှိကြတယ်..။
နံဘေးက နမ့်တိန်းချောင်းရေစီးသံ ကဆူညံနေတဲ့အတွက် ချစ်သူ ခွန်ဆမ်လောပြောတဲ့
ချစ်စကား
လေးတွေကို.. နန်းဦးပြင်လေးဟာ ကေင်းကောင်း မကြားရဘူးဖြစ်နေပါတယ်။
ဒီအခါ နန်းဦးပြင်ဟာ “ နမ့်တိန်းချောင်းရယ်.. ပီဆမ်လောပြောလာမဲ့စကားကို
နားထောင်ပါအုံး...မဆူနဲ့ ”လို့ပြောတော့တာပေါ့။
အဲဒါနဲ့ နမ့်တိန်းချောင်းလေးဟာနန်းဦးပြင် အလိုကျ တိတ်ဆိတ်
ငြိမ်သက်သွားလိုက်တာ.....ခုချိန်အထိတိုင်အောင်
ရေစီးသံ မကြားရတော့ဘူးလို့ ဆိုပါတယ်..။
နန်းဦးပြင်ပြောလိုက်လို့..နန့်တိန်းချောင်းဟာ
ငြိမ်သက်သွားတယ်လို့ခေတ်အဆက်ဆက်လက်ခံ
ယူဆ ခဲ့ကြပါတယ်..။
မိုင်းကိုင်မြို့ရဲ့ ထူးခြားချက်တွေထဲက တစ်ခုဆိုပါတော့။

ခွန်ဆမ်လောကို... ခွန်ဆမ်လော အမေက သူ့ရွာမှာ..သွက်သွက်လက်လက် ရှိတဲ့နန်းဦးပျဉ်း
နဲ့တိတ်တဆိတ်သဘောတူထားတာပါ...။
ခွန်ဆမ်လောကို နန်းဦးပျဉ်းနဲ့လက်ထပ်ပေးမယ်လို့လဲ.. နန်းဦးပျဉ်းကို
ကတိပေးထားတာပေါ့..။ ခွန်ဆမ်လော ကတော့
သူ့ချစ်သူ နန်းဦးပြင်ကိုပဲ လက်ထက်နိုင်မယ်လို့ပြောပြီး.. နန်းဦးပြင်ကိုပဲ...
လက်ထပ်ပြီး.. သူနေတဲ့ ကျိုင်းတောင်းမြို့လေးကို ခေါ်ဆောင်လာသတဲ့..။
ဒါကြောင့်ခွန်ဆမ်လောရဲ့ အမေက နန်းဦးပျဉ်းကိုပေးထားတဲ့ ကတိ နန်းဦးပြင်ကြောင့်
ပျက်ရတယ်
ဆိုပြီးတော့ နန်းဦးပြင်ကို မနှစ်သက်၊ မကြည်ဖြူ ပါဘူး.. ။
ဒါကြောင့် ခွန်ဆမ်လောရဲ့ အမေဟာ နန်းဦးပြင်လေး အိမ်မှာ မနေနိုင်အောင်.. အိမ်ပေါ်က
ဆင်းသွားအောင်.. ခွန်ဆမ်လော.. အိမ်မှာမရှိတဲ့ အခိုက်... နန်းဦးပြင်
စားမဲ့ထမင်းထဲမှာ.. ဆူးတွေ ထည့်ထားတာတို့ ၊
ကောက်ညင်းဆန်ကို..အပ်တွေထည့်ပြီးပေါင်း.. ပြီးမှ နန်းဦးပြင်ကို
ခူးခိုင်းတာ...စသဖြင့်
နည်းပေါင်းစုံနဲ့ နန်းဦးပြင်လေးကို အမျိုးမျိုးနှိပ်စက်ပါတော့တယ်.. ။
နန်းဦးပြင်လေးကတော့... ခွန်ဆမ်လောကို
ချစ်လွန်းတာကြောင့်..ဘယ်လိုနည်းနဲ့နှိပ်စက် နှိပ်စက် ခင်ပွန်းသည် ခွန်ဆမ်လော
စိတ်မကောင်းဖြစ်မှာစိုးလို့.... ဖွင့်မပြောပဲနဲ့.ကြိုတ်မှိတ်ပြီးနေရှာပါတယ်...။

သိပ်စိတ်ဆင်းရဲလာတဲ့ အခါမျိုးမှာ ဆို နန်းဦးပြင်လေးဟာ
အိပ်ယာထဲမှာ တယောက်ထဲတိတ်တဆိတ် ခိုး,ခိုးငိုရရှာပါ သတဲ့...။
ဒီလိုနဲ့ ... နန်းဦးပြင်ဟာ.. ခွန်ဆမ်လောရဲ့
ရင်သွေးကိုလွယ်ဖို့ဖြစ်လာပါတော့တယ်.... ။
နှစ်ယောက်သား ကြည့်နူးနေကြတာပေါ့... ဒါပေမဲ့ကိုယ်ဝန်အရင့်အမာ ဖြစ်နေတဲ့
အချိန်မှာတော့.. ခွန်ဆမ်လောက.. ကုန်သွယ်သွားရမဲ့
အချိန်နဲ့တိုက်ဆိုင်နေပါတော့တယ်..။ ခွန်ဆမ်လောကတော့....
ကလေးမမွေးခင်မှာ.အချိန်မှီ ပြန်လာခဲ့မယ်လို့.. နန်းဦးပြင်ကို ကတိတွေ ပေးပြီး..
ခရီးထွက်ခဲ့သတဲ့..။ ခွန်ဆမ်လော ခရီးထွက်သွားတာနဲ့တပြိုင်နက် .ခွန်ဆမ်လော အမေက
နန်းဦးပြင်လေးကို ထုံးစံ အတိုင်း နှိပ်စက်ပြန်ပါတော့တယ်... ။
ကိုယ်ဝန်နဲ့အရင့်မာ ဖြစ်နေတဲ့... နန်းဦးပြင်ကို လှေကားက ပြုတ်ကျအောင်ဆိုပြီး..
လှေကားကို
ပြုတ်ခံနီးအထိ တမင်ဖြုတ်ထားသတဲ့..။ ဒါကိုမသိတဲ့ နန်းဦးပြင်က လှေကားကနေဆင်းတော့
ပြုတ်ကျတော့တာပေါ့..။ ဒီတစ်ကြိမ်မှာတော့ နန်းဦးပင် ခမျာ... မိန်းခလေး
လဲဖြစ်တဲ့ အလျှောက်အားငယ်ပြီး.. သူ့အဖော်နဲ့...
သူ့အမေတွေဆီကိပြန်သွားပါတော့တယ်...။
ကိုယ်ဝန်ကလဲ အရင့်အမာနဲ့ဆိုတော့.. လမ်းခရီး..တ၀က်မှာပဲ..ဗိုက်အရမ်းနာလာပြီး...
ကလေးကို ပါလာတဲ့ အဖော်အကူညီနဲ့ပဲ
မွေးဖွားခဲ့ပါတော့တယ်... ။ သို့ပေမဲ့ ကံဆိုးချင်တော့..
ကလေးကအသက်မရှင်ခဲ့ပါဘူး..။
ဒီတော့ နန်းဦးပြင်က စိတ်နှလုံး ထိခိုက်ကြေကွဲစွာနဲ့
“သြော်.. ကံဆိုးလှတဲ့ သားလေးရယ်... နင့်အဖေမျက်နှာကိုတောင် မြင်ခွင့်မရှိပဲ...
လူ့လောက ကနေပြန်လည်ထွက်ခွာသွားရပြီ... နင့်အဖေကိုသွားရှာပါတော့... ” ဆိုပြီး..
ဝါးနှစ်ပင်ရဲ့ ခွကြားမှာ.. တင်ထားခဲ့လိုက်ပါတယ်..။
အဲဒီ ကလေးဟာ.. သေဆုံးသွားပြီး.. ဥသြ ဌက်လေး ဖြစ်သွားသတဲ့... ဒါကြောင့်
သူ့အသံလေးဟာ..
“ပေါ့ဝေ့” (အဖေရေ)လို့ကြားနေရတယ်....။ သူ့အဖေ
ခွန်ဆမ်လောကို...အော်ခေါ်ပြီးလိုက်ရှာ... နေတာလို့..ဆိုကြပါတယ်။
ဒီလိုနဲ့ နန်းဦးပြင်ဟာ..ခရီးကလည်း ပန်း....မီးဖွားပြီးကားစ
လည်းဖြစ်..ရင်သွေးလေး ကလည်း အသက်မရှင် စတဲ့အမျိုးအမျိုး သော
ဒုက္ခဝေဒနာတွေကြောင့် စိတ်ထိခိုက်ပင်ပန်းပြီး
အိမ်ရောက်တာနဲ့.... သေဆုံးသွားရှာပါတယ်..။
နန်းဦးပြင်ဟာ.. သူမ မသေဆုံးခင်မှာ...မိုင်းကိုင်သူတွေ သူ့လိုအဖြစ်ဆိုးနဲ့
ကြုံရမှာစိုးရိမ်ရှာ
တဲ့အတွက်... “မိုင်းကိုင် သူတွေ သူ့လိုမျိုး... အလုံးစုံမပြည့်စုံပါစေနဲ့...
ချို့ယွင်းချက်တခုအမြဲတမ်းရှိနေပါစေ...။
မိုင်းကိုင်က ထွက်တဲ့ ပစ္စည်းတွေအားလုံး သူများတွေထက် အရည်အသွေးကောင်းပါစေ..။ ”
ဆိုပြီး..ကျိန်စာတိုက်ခဲ့ပြီးဆုံးသွားသတဲ့...။
ခွန်စံလောဟာ..ကုန်သွယ်ရာကနေပြန်ရောက်လာတော့...နန်းဦးပြင်သတင်းကိုကြားကြားချ
င်း...
ချက်ချင်းမိုင်းကိုင်ကို မြင်းနဲ့ အပြေးလာခဲ့ပါတယ်..။ အလာကောင်းပေမဲ့
အခါညောင်းသွားခဲ့ပါပြီ... နန်းဦးပြင်လေးဟာ.. သေဆုံးသွားခဲ့ပါပြီ..
ခွန်ဆမ်လောဟာ.. နန်းဦးပြင်တို့အိမ်ကိုရောက်တော့..
ရွာသူရွာသားတွေက..ခွန်ဆမ်လောကို နန်းဦးပြင်အိမ်ထဲပေးမ၀င်ပါဖူး..
နန်းဦးပြင်အလောင်းကိုမပြချင်လို့... တံခါးဝမှာ.. ၀ိုင်းပိတ်ထားကြတယ်..။
ခွန်ဆမ်လောလဲ သူကုန်သွယ်ရာက ရလာတဲ့ ငွေဒင်္ဂါးငွေကို ကြဲလိုက်ပါတယ်တဲ့..။
သူ့ကိုဝိုင်းပိတ်တဲ့ သူတွေက ငွေင်္ဂါးကိုကိုဝိုင်လုကောက်နေကြတဲ့ အချိန်မှာမှ..
ခွန်ဆမ်လောအိမ်ထဲကိုဝင်ပါတော့တယ်...။ အိမ်ပေါ်ရောက်တော့..
နန်းဦးပြင်အလောင်းကိုတွေ့တော့တာပေါ့....။
ခွန်ဆမ်လောဟာ.. အရမ်းစိတ်ထိခိုက် ကြေကွဲသွားပြီး..
သူ့မှာပါလာတဲ့.. ဆောင်ဓါးနဲ့ပဲ.. သူ့ကိုယ်သူ... အဆုံးစီရင်လိုက်ပါတော့တယ်...
နန်းဦးပြင်အလောင်းပေါ်လဲကျသွားပြီး.....
နန်းဦးပြင်အလောင်းပေါ်မှာပဲသေဆုံးသွားပါတော့တယ်...။
ခွန်ဆမ်လော ဆုံးတဲ့ သတင်းကြားတော့...
ခွန်ဆမ်လောအမေဟာ..အနောက်နေလိုက်လာတာပေါ့...။
သူတို့အလောင်း... ယှဉ်ရက်... ပြင်ထားတာကိုတွေ့တော့.အရမ်းစိတ်ဆိုးသွားပြီး...
နန်းဦးပြင်ကိုအမုန်း မပြေသေးတာကြောင့် သူ့မှာပါလာ တဲ့
ဝါးထမ်းပိုးနဲ့... အလောင်းနှစ်ခုရဲ့ ကြားကို ချထားပြီး ခြားလိုက်ပါတယ်တဲ့..
နောက်ဘ၀မှာလဲ သူတို့ နှစ်ယောက်ပြန်မဆုံနိုင်ပါစေနဲ့..
ဆိုပြီး..ကျိန်လိုက်ပါတယ်..။
အဲ့ထမ်းပိုးကိုလဲ....သူတို့ကိုမြုပ်တဲ့နေရာအထိယူဆောင်သွားပြီး...
အလောင်းမြုပ်တဲ့နေရာမှာလဲ...လိုက်ခြားလိုက်တယ်တဲ့..။
ပြီးတော့ ထမ်းပိုးကို နေရာ ရွေ့ မသွားအောင်အာင် စို့
နဲ့ ခိုင်ခိုင်မာမာ ထိုးစိုက်ထား ပြန်ပါသေး တယ်။
ခွန်ဆမ်လောနဲ့ နန်းဦးပြင်တို့ဟာ သေဆုံးသွားပြီးတဲ့နောက်မှာ ကောင်းကင်မှာ
ကြယ်ကလေး တွေ ဖြစ်သွားကြပါသတဲ့..။
သို့သော်လည်းအမေ ဖြစ်သူရဲ့ ကြီးမားတဲ့ အမုန်း
အာဃာတ ကြောင့် ကြယ်ကလေး တွေ ဘဝမှာ တောင် ချစ်သူနှစ်ဦးဟာ
အေးချမ်းစွာပေါင်းဆုံခွင့် မရကြရှာပါဘူး...။
ခွန်ဆမ်လော ရဲ့ အမေ ကြားမှာ
ခြားပေးလိုက်တဲ့ဝါးထမ်းပိုးဟာ အဆစ်သုံးဆစ်ပါရှိတဲ့အတွက် ကြယ်သုံးလုံး
(မောင်ရင်ဆိုင်းထမ်းကြယ်) အဖြစ် သူတို့ နှစ်ဦးကြားမှာ တန်းကာ ခြားနားထား
လို့မပေါင်းဆုံနိုင်ကြပဲ ရှိပြန်ပါသတဲ့။
ဝါးထမ်းပိုးရဲ့ အဆစ်တဆစ်ဟာ ကြယ်တလုံးအနေဖြစ်ကိုယ်စားပြုတာပေါ့..။
အဆစ်၃ ဆစ်ဆိုတော့.. ၃ လုံးပေါ့ စို့ နဲ့ ရိုက်ထားတဲ့နေရာက တော့ မှေးမှိန်နေတဲ့
ကြယ်တန်း စွေစောင်းစောင်းလေးအဖြစ်
အေဲဒီထမ်းပိုးသဏ္ဍာန် ကြယ်သုံးလုံး ရဲ့ အောက်ခြေ နားမှာ စို့သဖွယ်တည်ရှိနေတာကို
ယနေ့တိုင် မြင်တွေ့နေရဆဲ ဖြစ်ပါတယ်။
နှစ်ပေါင်းများစွာ.. ကြာပေမဲ့ ခုထိတိုင် နန်းဦးပြင်ရဲ့ အိမ်မြေကွက်နေရာဟာ..
ဘာအပင်မှ မပေါက်ရောက်ပဲ..၊
မပျောက်ပျက်ပဲတည်ရှိနေပါသေးတယ်...။ မိုင်းကိုင်မြို့ရဲ့အရှေ့ မနီးမဝေးမှာ
တည်ရှိနေပါတယ်...။
နန်းဦးပြင်ရဲ့..မြေကွက်ဘေးတွင်.. စေတီတဆူ ကိုတည်ထားကိုးကွယ်ထားပါတယ်...။
မိုင်းကိုင် မြို့ကိုအလည်အပတ်များရောက်ဖြစ်ရင်..
သွားရောက်လေ့လာဖို့တိုက်တွန်းလိုက်ချင်ပါတယ်...။